Hoop en geloof!

Ek het nou weer gesien dat mens se tyd is eintlik maar niks as jy die groter prentjie in ag neem nie, ons tyd en wanneer ons wil he dinge moet gebeur tel eintlik eenvoudig net nie, daar is groter en beter dinge vir ons bestem as enigiets wat jy op die oomblik deurgaan, dis net ‘n geval van glo dit en dan sal die wonderlikste dinge met jou gebeur.

Waar ek skaars ‘n paar maande gelede op moedverloor se vlakte was en my toekoms ernstig moes besin besef ek nou dit was alles net eenvoudig iets wat ek moes deurmaak om te help met my groeiproses, die groeiproses van die lewe, en vandag kan ek werklik se dis moontlik om mens se lewe binne ‘n paar dae om te swaai.

Daar het so baie opwindende goed oor my pad gekom die laaste wel, kom ons se maar die laaste week, dat dit moeilik is om te verstaan hoekom ek so na aan opgee was ‘n paar weke gelede…. moenie my verkeeerd verstaan nie, alles is nog nie 100% reg nie, en dit gaan ook nie 100% reg wees voor November of miskien self Desember nie, maar ek verstaan nou baie beter waaroor alles gaan.

Die ergste ding wat mens aan iemand kan doen is om hoop van ‘n persoon af weg te vat, hoop en geloof want sonder dit is ons maar eintlik niks nie.

Ek glo weer aan die toekoms en is betrokke by baie groot projekte wat my weer laat tick en wat my uit my huidige probleme binne enkele maande sal kry. En dit is al waarvoor mens kan vra!

Wat al hierdie dinge is sal ek so mettertyd bekend maak…. jy sien nog iets wat ek uit hierdie hele proses geleer het is geduld…. so alles sal weldrae bekend word, wees geduldig…… maar dis die moeite werd, intussen gaan ek ook een van die dae groot nuus oor die radio stasie he waar ek tans stasiebestuurder en middag drive show omroeper is, en glo vir my, dis GROOT nuus en ek is die opgewondenheid vanself….. maar meer daaroor later!

Wimpie

This entry was posted in Uncategorized. Bookmark the permalink.

Comments are closed.